Është hedhur këtë të hënë shorti për edicionin 2022-2023 të kampionatit të Kategorisë së Dytë, që do të ngrejë siparin duke nisur nga 1 tetori.
Në shortin e hedhur, klubet pjesëmarrëse u njohën me kundërshtarët respektivë të çdo jave për këtë edicion të ri, në të dyja grupet A dhe B, që do të tentojnë ngjitjen për në Kategorinë e Parë.
Nga Kategoria e Dytë në atë të Parën do të ngjiten automatikisht fituesit e grupeve A dhe B. Sipas skemës së riformatuar këtë edicion, e renditura nga vendi i dytë në vendin e pestë në secilin grup do të luajnë ndeshje play-off për të përcaktuar skuadrën që do të ndeshet me vendin e 9-të dhe të 10-të të Kategorisë së Parë, ku skuadra e vendit të dytë do të luajë me ekipin e renditur në vendin e pestë, ndërsa skuadra e renditur në vendin e tretë në klasifikim do të përballet me ekipin e renditur në vendin e katërt.
Më pas, skuadra fituese e dalë nga këto ndeshje në grupin A do të ndeshet me skuadrën e renditur në vendin e 9-të në Kategorinë e Parë në një fushë asnjëanëse, ndërsa ekipi fitues i dalë nga këto ndeshje në grupin B do të ndeshet me skuadrën e renditur në vendin e 10-të në Kategorinë e Parë në fushë asnjëanëse.
Në Grupin A bëjnë pjesë skuadrat: Vora, Gramshi, Veleçiku, Murlani, Iliria, Sopoti, Shënkolli, Ada, Naftëtari, Bulqiza dhe Valbona. Në këtë grup bie në sy se që në javën e parë kemi përballjen në mes Veleçikut dhe Murlanit, derbi shkodran. Skuadra këto që u ndeshen pak ditë më parë për turin paraeleminator të Kupës së Shqipërisë duke nxjerrë fitues ekipin koplikas që u kualifikua për në turin tjetër.
Nga ana tjetër, në Grupin B bëjnë pjesë skuadrat: Shkumbini, Pogradeci, Butrinti, Maliqi, Labëria, Devolli, Tepelena, Memaliaj, AF Luftëtari, Albpetrol, Delvina, AF Elbasani.
GRUPI A-Java e parë
Vora– Shënkolli
KF Gramshi – KF Sopoti
Iliria – KF Ada
Veleçiku – Murlani
KF Naftetari– FC Bulqiza
GRUPI B-Java e parë
Maliqi – FK Tepelena
KF Pogradeci – KF Devolli
KF Delvina – Labëria Fc
KF Butrinti – KS Shkumbini
FK Memaliaj – SHS Albetrol
AF Elbasani – AF Luftëtari
Njihuni më poshtë me kalendarin e plotë për të dyja grupet:
Kalendari i ndeshjeve Kategoria e Dyte Gr A 22-23
Kalendari i ndeshjeve Kategoria e Dyte Gr B 22-23
