Në “King Fahd International Stadium” të Riadit do të luhet nesër Superkupa Italisë e cila për herë të 12-të në historinë e trofeut do të kurorëzojë fituesen jashtë vendit fqinj.
Mediat italiane kanë zbluar sot se ky takim do të ndiqet në 165 shtete të globit. Dueli do të jetë i veçantë pasi në stadium lojtarët do të luajnë mes mbi 30 kamerash. Oragnizatorët kanë menduar që të fusin edhe një dron, i cili pritet të rregjistrojë momentet më të mira në fushë dhe jashtë saj në kohë reale.
Sa i përket spektatorëve mësohet se organizatorët zbulojnë se stadiumi do të mbuhset plot pasi interesi është i lartë. Për arsye sigurie vetëm 10% e kapacitetit të impiantit do të lihet i lirë. Nga Italia kanë udhëtuar 300 tifozë, të cilët kanë mundur të blejnë bileta në sektorë të preferuar pa u ndikuar nga ndarja e vendeve në bazë të skuadrës.
Në stadium kanë konfirmuar pjesëmarrjen ish-lojtarë si Francesco Totti, Marco Materazzi, Christian Vieri, Ciro Ferrara, Franco Baresi, Daniele Massaro, Walter Zenga, Fabio Galante, Ivan Ramiro Cordoba, Demetrio Albertini dhe Luigi Di Biagio.
