Në Shkodër, çiklizmi ka qënë vazhdimisht i dorës së parë. Breza të tërë figurash të njohura duke filluar nga Muriqët, Fadili, Ganiu, Ruzhdiu, Fuati dhe për të vijuar me Tafilët, Agimin e famshëm dhe Sytkiun, Brahim Sykjen, Leonard Kolen e të tjerë, me trofetë e shumtë të fituar i kanë dhënë lavdinë e duhur qytetit verior.
Ndërkohë, aktualisht kemi të bëjmë me një tjetër grup po aq të talentuar talentesh dhe kjo falë punës mjaft të mirë që po bën me brezin e ri trajneri Leonard Kola. Bruno Kolajt, Astrit Kronajt, Gjergj Zefit, tashmë të afirmuar si fitues trofesh i shtohen edhe emra të tillë si Mateo Balaj dhe Servet Kastrati, dy të rinj 16 vjeçar të cilët kanë marrë përsipër të ecin në gjurmët e kolëgëve të tyre kampionë.
Dy çiklistët në fjalë ishin protogonistë të garave të fundit kombëtare të vlefshme për Kupën e Shqipërisë. Me një pedalim perfekt prej profesionisti, shtatlarti Mateo Balaj sfidon të gjithë konkurentët e etapes së vështirë Kavaje-Divjake-Lushnje 69 km e gjatë duke mbërritur i pari në finish, ndërkohë që kolegu i tij po aq i talentuar bëri të njëjtën gjë duke fituar në etapen e parë, por një vendim i padrejtë i gjyqtarisë e spostoi më pas në vendin e tretë. Me atë çfarë paraqiten Balaj dhe Kastrati në garat e Kupës së Shqipëisë treguan se Vllaznia është një burim i pashtershëm talentesh duke dhënë garancitë e duhura që çiklizmi shkodran do të vijojë të jetë përherë në majat më të larta të çiklizmit shqiptar.
