Ndarja nga jeta në mënyrë tragjike e Rafael Duamenës, teksa ishte duke luajtur në duelin ndaj Partizanit, tronditi mbarë opinionin sportiv. Ndërkohë së fundmi ka ardhur edhe një nderim special për sulmuesin 28-vjeçar, që humbi jetën pas sulmit kardiak në fushën e blertë.
Futbollisti i Nant, në Ligën 1 franceze, Moses Simon, i dedikoi golin ndaj Metz, Duamenës. Nigeriani tundi rrjetën në minutën e 12-të, teksa poshtë bluzës mbante një fanellë me mbishkrimin “RIP Raph”.
Vlen të theksohet fakti se Moses Simon dhe Duamena kanë luajtur së bashku në 2018/2019 tek skuadra e Levantes në La Liga.
