Gazetari Alban Xhihani, foli në emisionin “Skaner” në MCN TV, për javën e 20-të në Superiore. Sipas tij, Egnatia ka nisur shkëputjen, ndërsa Vllaznia po merr oksigjen me trajnerin Osmani.
Xhihani deklaroi se Dinamon e kishte menduar në pesë skuadrat e para në renditje, ndërsa shtoi se ekipet e tjera janë aty-aty.
Ka nisur shkëputja e Egnatias për mendimin tim. Partizani po vazhdon të ngecë. Vllaznia po merr oksigjen. Pas Egnatias, është skuadra me ecurinë më të mirë pas 10 ndeshjeve. 10 ndeshje ka Qatip Osmani. Duket se diçka po ndryshon për mirë.
Tiranën e shikoj mirë, por shpërdoruese, një version si Partizani. Unë kisha menduar Dinamon te pesëshja e parë. Pjesa tjetër janë aty-aty, bëjnë edhe surpriza si e Laçit ndaj Partizanit. Barazimi ndaj Tiranës, i ka dhënë një dozë të madhe besimi Teutës.
