Sipas “USA Today” Majk Tajson po bën diçka më të vëshirë se të përballet me një djalë, i cili është 30 vite më i ri. Siç dihet 57-vjeçari është përdorues i rregullt i marijuanës, por me qëllim që të ngjitet në ring më 20 korrik i duhet që të mos përdorë këtë substancë.
Sipas autoriteteve sportive të Teksasit, sportistët, të cilët marrin pjesë në aktivitet sportive nuk lejohen të garojnë nëse në trupin e tyre gjenden substanca të ndaluara. Për këtë shtet edhe marijuana renditet mes tyre.
“Ka vendosur që të mos e konsumojë përkohësisht pasi kërkon të ndjekë rregullat. Majk mendon se marijuana ka benefitet e veta dhe ai e përdor për arsye shëndetësore”, njoftoi biografi i ish-boksierit, Joan Mignano.
Sipas ligjeve të Nevadës nëse një sportist rrezulton pozitiv ndaj këtij testi atëherë ai pezullohet për 90 ditë. Ndërkohë që nëse fituesi i eventit rrezulton i tillë atëherë ky event do të konsiderohet si nul.
Ndeshja mes Majkut “të Hekurt” dhe youtube-rit të njohur 27-vjeçar do të mbahet më 20 korrik në “AT&T Stadium” në Arlington.
