Pas fitores në derbi ndaj Tiranës 2-1, drejtori i Partizanit, Olsi Rama deklaroi se bardheblutë e meritojnë të jenë në “Final Four”, ndërsa shtoi se është i lumtur për suksesin e arritur.
“Jam shumë i lumtur për këtë fitore sot. Kjo fitore i dedikohet presidentit të nderit, Resul Demit. Ai është tifozi i parë. Jam shumë i kënaqur, sepse janë dy fitore në dy derbi. Jam shumë i kënaqur nga Maguette, sepse tregoi nivelin e tij. Por nuk jam i kënaqur vetëm me atë.
Stafi po arrin që fizionominë e tyre të lojës ta përcjellin edhe te lojtarët. Duhet të jemi shumë të përgatitur për ato dy ndeshjet e fundit, sepse s’kam pasur kurrë dyshim që do të jemi aty.
E di që do jem kundër tifozëve të Partizanit, por “Final Four” ka kuptim me ekipet më të mira dhe Tirana ka lojtarë të mirë dhe e meriton. Edhe Skënderbeu nuk mbetet pas dhe është një kundërshtar që e meriton.
Partizani e meriton titullin kampion. Do bëjmë maksimumin për ta fituar dhe ne do të jemi ata që do të triumfojë. Të gjithë janë aty dhe shpresoj të jemi ne.”