Pjesa e parë e finales së Ligës së Kampioneve në mes Borusia Dortmund dhe Real Madrid, e cila po luhet në “Wempli” të Londrës që nga ora 21:00, është mbyllur në barazim 0 me 0. Një 45 minutësh më i mirë për gjermanët të cilët kanë pasur më shumë iniciative duke rrezikuar seriozisht portën madriline, ndërkohë që Reali ka qënë më tepër në pritje duke rrezikuar më pak portën e Këbel.
Rastet me tipike i ka pasur Dortmundi që ka shkuar dy herë shumë pranë golit. Në fillim Adejemi dhe më pas Fyllkryg kanë qenë mjaft pranë shënimit të golit për ekipin e drejtuar nga Terziç.
Për t’u theksuar është se finalja e Champions League u ndal që në sekondat e para pasi katër tifozë janë futur në fushën e lojës. Punonjësve të sigurisë u është dashur kohë për t’i ndaluar duke bërë që ndeshja të ndërpritej për disa minuta. Duke shënuar një rast historit ky për një finale të Ligës së Kampioneve të Europës.