Ashtu si Superiorja edhe Kategoria e Parë rikthehet ditën e sotme për të rinisur garën. Vetëm 1 ndeshje është në program për t’u zhvilluar, takim i vlefshëm për javën e 18-të të kampionatit dhe starton në orën 13:30 në “Kukës Arena”.
Kështu e gjithë vëmendja ditën e sotme do të jetë në Kukës, ku vendasit do të presin Pogradecin. Një duel mjaftë interesant mes dy ekipeve që kanë detyrim vetëm fitoren.
Gjatë kësaj periudhe tek të dyja ekipet ka patur hyrje-dalje të rëndësishme,madje verilindorët këtë vit e nisin me staf të ri teknik dhe ditën e sotme me në krye Alfred Allamanin do të tentojnë fitoren.
Kuksianët ndodhen në “Play-Out” me 17 pikë pas po kaq ndeshjesh,ndërsa pogradecarët bëjnë pjesë në “Play-Off” me 23 pikë.
Kukësi:Dervishaj,Dragoshi,Kapllanaj,Sulçe,Selita,Jusuf,Mejdani,Danaj,Sefa,Birçaj,Nasir Trajner;Alfred Allamani
Pogradeci:Baçi,Zaimi,Ivani,Hysenllari,Zguro,Sodiq,Pengu,Raza,Alidema,Panadiç,Beçka Trajner:Ardian Mema
Fatos LAMAJ
