Laçi-Egnatia 0-2(Shënues: Karim Lukili 72’, Ibrahim Diabate 89’)
Egnatia ka mar një fitore të rëndësishme në transfertë duke mposhtur Laçin me rezultatin 2-0, në përballjen e vlefshme për javën e gjashtë të “Abisnet Superiore”.
Pavarësisht rasteve të krijuara pjesa e parë përfundoi me rrjeta të paprekura.
Rrogozhinasve iu desh të prisnin pjesën e dytë për të zhbllokuar takimin dhe për ta kthyer përballjen në favorin e tyre.
Momenti vendimtar erdhi në minutën e 72-të kur Ildi Gruda fitoi një penallti për Egnatian.
Lukili e dërgoi topin në rrjetë por goditja u urdhërua të përsëritej për shkak të parregullsive gjatë ekzekutimit.
Në tentativën e dytë portieri Guri arriti ta ndalte gjuajtjen por Lukili përfitoi nga topi i kthyer dhe shënoi golin e avantazhit për miqtë.
Në minutën e 89-të Egnatia realizoi edhe golin e dytë me mesfushorin Diabate duke vulosur rezultatin 0-2 dhe duke siguruar tre pikët.
Laçi mbeti pa arritur të gjente rrugën e rrjetës ndërsa rrogozhinasit e mbyllën transfertën me fitore dhe me portën të paprekur.
Fatos LAMAJ
