Ndeshjet e fazës 1/8 të Kupës së Shqipërisë do të zhvillohen këtë mesjavë. Takime mjaft interesante janë në program, teksa do të ketë edhe duele mes skuadrave të Superiores.
Ditën e nesërme janë planifikuar dy ndeshje, Laçi-Kukësi që do të luhet në orën 13:00 në Laç dhe Tirana-Bylis do të luhet në orën 13:30 dhe do të luhet në Vorë. Duke gjykuar për një ndeshje të lehtë të kurbinasve në kualifikimin e turit tjetër, përballja Tirana-Bylis, pritet të jetë shumë e dyluftuar, pasi të dyja skuadrat e synojnë seriozisht kualifikimin.
Ndërkohë të mërkurën do të zhvillohen takimet e tjera. Kështu Egnatia-Kastrioti dhe Dinamo-Erzeni do të sfidohen mes tyre në orën 13:00, ndërsa 4 takimet e tjera do të luhen në orën 17:00. Teuta pret Elbasanin, ndërsa Vllaznia pret Besën. Gjithashtu Partizani do të luajë në shtëpi ndaj Apolonisë dhe Skënderbeu sfidon Vorën.
Fatos LAMAJ
