Java e 24-të e “Abissnet Superiore” u mbyll mbrëmë me dy ndeshjet e fundit; Skënderbeu – Laçi dhe Teuta – Dinamo City. Pas përfundimit të javës, trajnerët e ekipeve kombëtare kanë përzgjedhur formacionin dhe teknikun më të mirë.
Pjesë e këtij formacioni janë edhe dy pjesëtarët e Vllaznisë, mbrojtësi Milosh Stojanoviç dhe sulmuesi Esat Mala, ndërkohë nga Teuta, pjesë e këtij formacioni është edhe shkodrani, Arsid Kruja.
Konkretisht, Mario Dajsinani i Egnatias është portieri që ka spikatur më shumë në javën e 24-të.
Katërshja e mbrojtjes përbëhet nga: Arsid Kruja (Teuta), Milos Stojanovic (Vllaznia), Saliou Sembene (Partizani) dhe Florjan Përgjoni (Tirana).
Tre mesfushorët më të dalluar të javës së 24-të janë: Regi Lushkja (Egnatia), Albano Aleksi (Egnatia) dhe Ëilliam Cordeiro Melo (Laçi)
Në majën e sulmit është Emiliano Bullari (Laçi), ndërsa krahët përbëhen nga Esat Mala (Vllaznia) dhe Emmanuel Ernest (Tirana).
Trajneri i javës është përzgjedhur tekniku i Laçit, Francesco Moriero.