Analiza e ndeshjes, Elbasani-Vllaznia e vlefshme për javën e 15-të të Abissnet Superiore, e cila u mbyll me fitoren 1 me 0 në favor të vendasve, do të jetë në fokus të emisionit Studio Sport, që transmetohet mbrëmjen e sotme në RTSH Shkodra duke nisur nga ora 20:30.
Krahas të tjerave, vemendje do të marrë edhe ndëshkimi me karton të kuq i mbrojtësit të qëndrës së Vllaznisë Elmando Gjini në minutën e 27-të të pjesës së parë, ku pretendimet në kampin kuqeblu janë që faulli është shkaktuar nga Bajrami dhe jo Gjini.
Specialisti i gjykimit, Mhill Shkëmbi dhe ish futbollisti Fatmir Lugji do të analizojnë edhe pragndeshjen, Vllaznia-Bylis, takim i cili luhet pasditen e së dielës së 14 dhjetorit në stadiumin “Loro Boriçi” për llogari të javës së 16-të të Abissnet Superiore, ndërkohë që do të ndalen edhe Superliga e futbollit femra, me fitoren 1-0 të Vllaznisë kryesuese të kampionatit ndaj Teutës, kategorinë e dytë dhe të tretë, moshat e etj.
Ndërkohë, vemendje do të ketë edhe për lojrat me dorë, sidomos për ecurinë pozitive të Vllaznisë së meshkujve në Ligën “Gjergj Kastrioti”, ku në panel do të jetë trajneri Artan Kalaja.
