Teuta ka siguruar kualifikimin në çerekfinalet e Kupës së Shqipërisë, duke mposhtur Vorën me rezultatin 2-0 në stadiumin “Niko Dovana”. Skuadra e Enkelejd Dobit e kontrolloi ndeshjen dhe e zgjidhi me dy gola të bukur.
Jurguens hapi serinë e golave me një goditje nga distanca, ndërsa Toli vulosi fitoren, duke i dhënë fund çdo diskutimi. Vora e drejtuar nga Arjan Bellaj nuk arriti të surprizojë në transfertë dhe e mbyll aventurën në Kupë në fazën e 1/8.
