Java e 20-të e Serie A përfundoi me një fitore 5-0 të Juventusit përballë Cremonese-s në Allianz Stadium. Brenda tre minutash, bardhezinjtë morën kontrollin e ndeshjes me golat e Bremer dhe David (minuta e 15-të). Yildiz humbi një penallti, por e bëri rezultatin 3-0 në minutën e 35-të.
Autogoli i Terracciano-s në minutën e 48-të dhe goli me kokë i McKennie-t në minutën e 64-të vulosën fitoren e Zonjës së Vjetër.
Spalletti tani ka 39 pikë, në zonën Champions, është barazuar me Napolin dhe Romën, duke qëndruar katër pikë pas Interit. Ndërkohë, të besuarit e Nicola-s mbeten në 22 pikë, aktualisht tetë pikë larg zonës së rënies nga kategoria.
