NJOFTIM ZYRTAR
Klubi i Futbollit Shiroka ka kënaqësinë të njoftojë opinionin sportiv dhe publikun e gjerë për afrimin e partnerit të ri të klubit, zotit Safedin Beqaj.
Z.Safedin Beqaj, me origjinë nga Tuzi dhe banues në Shtetet e Bashkuara të Amerikës, i bashkohet familjes së KF Shiroka në cilësinë e partnerit dhe mbështetësit të klubit. Ky bashkëpunim përfaqëson një hap të rëndësishëm drejt forcimit të strukturave organizative dhe zhvillimit afatgjatë të klubit tonë.
Kontributi dhe përkrahja e partnerëve tanë janë thelbësore për realizimin e objektivave sportive dhe institucionale të KF Shiroka, veçanërisht në drejtim të rritjes së cilësisë, përmirësimit të kushteve të punës dhe promovimit të vlerave sportive në komunitetin tonë.
Klubi i Futbollit Shiroka e falënderon zotin Beqaj për besimin e treguar dhe për vendimin për të qenë pjesë e projektit tonë, duke i uruar mirëseardhje dhe një bashkëpunim të frytshëm e afatgjatë.
KF Shiroka mbetet e përkushtuar në ndërtimin e një klubi të fortë, transparent dhe ambicioz, duke vlerësuar lart rolin e bashkëpunëtorëve dhe partnerëve që ndajnë të njëjtin vizion për të ardhmen.
(Video) Konferenca e shtypit-Presidenti Ergi Axhani dhe Safedin Beqaj me origjinë nga Tuzi dhe banues në Shtetet e Bashkuara të Amerikës, nënshkruajnë kontratën zyrtare.
Gaspër MARKU
