Ndeshja mes Vorës dhe Flamurtarit nuk kishte fitues. Takimi i vlefshëm për javën e 22-të të Abissnet Superiore, i transmetuar në RTSH 1 HD dhe RTSH Sport HD, dhuroi shumë emocione edhe pse tifozët nuk mundën që t’i gëzoheshin golave.
Gardiani i portës së ekipit vlonjat ishte heroi i takimit me disa ndërhyrje decizive në pjesën e dytë, kur edhe skuadra vendase rriti së tepërmi presionin.
Falë këtij barazimi pa gola ekipi i Flamurtarit mban ende të hapur luftën në zonën e ftohtë pasi Vora nuk i largohet edhe më shumë tri ekipeve, të cilat mbyllin tabelën e klasifikimit.
