Elbasani u rikthye te fitorja në kampionat pasi mposhti Teutën me rezultatin 2-1 me përmbysje,në ndeshjen e javës së 23-të në “Abisnet Superiore”.
Pas pjesës së parë të mbyllur pa gola e dyta ishte një tjetër histori.
Teuta kaloi e para në avantazh,me një supergol të shënuar nga Vagner në minutën e 69-të.
Reagimi i vendasve ishte i shpejtë teksa Insa Boje i futur nga stoli,barazoi fillimisht shifrat në minutën e 74-të,në ndeshjen e tij debutuese.
Për ta bërë edhe më të bukur debutimin,ai shënoi edhe golin e përmbysjes një minutë më vonë.
Këtë avantazh Elbasani e ruajti deri në fund për të mar tre pikë të rëndësishme.
Verdheblutë ngjiten në vendin e dytë me 42 pikë, ndërsa Teuta mban vendin e gjashtë me 27 pikë të grumbulluara.
Fatos LAMAJ
