Ngjarjet që kanë ndodhur në orët e fundit në Meksikë do të influencojnë shumë në mbarëvajtjen e Botërorit 2026. Sipas medieve vendase dhe të dërguarve të rrjeteve më të rëndësishme të botës Meksika nuk mund të konsiderohet më një vend i sigurt pas ekzekutimit të bosit të “Cártel de Jalisco Nueva Generación”, Nemesio Oseguera Cervantes.
Qindra forca të kartelit të “El Mencho”-s janë derdhur në rrugë dhe kanë përhapur kaos në qytete si Guadalajara dhe Puerto Vallarta. Rruga e cila të dërgon në “Estadio Akron”, ku zhvillon ndeshjet e veta skuadra e Chivas de Guadalajara, është bllokuar plotësisht pasi karteli në fjalë e ka bllokuar duke i vendosur zjarrin makinave.
Zhvillimet nga Meksika kanë detyruar FIFA-n që të monitorojë me kujdes ngjarjen pasi stadiumi “Estadio Akron” është caktuar si njëri prej impianteve ku do të luhen ndeshjet e Botërorit 2026.
