Katër skuadrat gjysmëfinaliste të Kupës së Shqipërisë do të mësojnë nesër emrin e kundërshtarit të kësaj faze të kompeticionit. FSHF ka bërë me dije se të martën, në orën 15:00, do të hidhet shorti i gjysmëfinaleve.
Dinamo City, mbajtësja në fuqi e trofeut, Egnatia, Vllaznia dhe Elbasani janë 4 skuadrat e kualifikuara në gjysmëfinale, ku shorti është i lirë. Janë 4 skuadrat që aktualisht mbajnë edhe 4 vendet e para në Abissnet Superiore.
Shorti do të hidhet në ambientet e Shtëpisë së Futbollit.
