Abisnet Superiore kthehet të luaj ndeshjet e javës së 33-të të ndara mes të shtunës, të dielës dhe të hënës.
Kjo për shkak se në mesjavë luhen dy ndeshjet që do të përcaktojnë finalistët e Kupës së Shqipërisë të këtij edicioni.
Sfidat nisin të shtunën me derbin e kryeqytetit Tirana-Partizani,të cilat në këtë edicion jan përballur mes tyre në kushtet ku asnjëra nuk duket se ka pretendime të mëdha për vijimësinë e edicionit.
Bardhebluve u duhet fitorja për mbijetesën dhe të kuqve për të mbajtur gjallë ëndrrën e “Final Four”.
Të dielën do të luhet ndeshja Bylis-Teuta në orën 16:00,që ndikon në mënyrë direkte në luftën për mbijetesë në Abisnet Superiore.
Ndërsa në orën 19:00 e ka radhën përballja Egnatia-Vora ku vendasit duhet të ndalin krizën e rezultateve që po i largojnë me kreun dhe shanset e titullit.
Të hënën do të luhen dy ndeshje në orën 19:00,me Flamurtarin që pret Dinamon në një sfidë shumë delikate.
Paralelisht me të luhet ajo që është sfida kryesore e kësaj jave, pasi Elbasani i vendit të dytë pret Vllazninë kryesuese,me mundësinë për ti kaluar në renditje.
Fatos LAMAJ
