Opinioni sportiv shkodran dhe më së shumtmi KF Vllaznia po e pret me shumë interes shortin që do të hidhet pasditen e së martës në Nion të Zvicrës për të mësuar kundërshtarin e kuqëbluve për turin e parë kualifikues të UEFA Conference League.
Rivali i Vllaznisë për turin e parë Europian do të jetë njëri prej gjashtë skuadrave duke nisur nga skuadra e Superligës së Kosovës Malisheva, e cila këtë sezon drejtohet nga ish trajneri i Vllaznisë Tomas Brdariç, i cili më herët kaloi një përvojë pozitive në krye të Drenicës të Superligës së Kosovës.
Pesë skuadrat e tjera rivale të mundshme për t’u përballur me Vllazninë janë: Europa FC e Gjilbraltarit, FC Una Strassen e Luksemburgut, Penybont FC të Uellsit, Nomme Kalju FC të Estonisë, NSI Runavik të Faroe. Ndeshjet zyrtare të raundit të parë të UEFA Conference League janë të programuara të luhen në datat 9 dhe 16 korrik.
