Vllaznia e futbollit femra është gati për sfidat Europiane. Pasi ka kaluar turin e parë me short, në turin e dytë do të përballet me kampionen sllovene Spartak Myjava.
Për të mësuar kundërshtarin e turit të dytë të “UEFA Women’s Champions League”, Vllaznisë i është dashur të presë përfundimin e ndeshjeve të grupit të pestë të turneut eleminator, fitues i të cilit ka dalë ekipi slloven Spartak Myjava, i cili triumfoi në këtë grup duke mundur në finale kampionen e Maltes, Mgarr me rezultatin 6 me 1.
Sipas asaj që është përcaktuar edhe më herët, sfida gjysmëfinale e grupit të gjashtë të “UEFA Women’s Champions League” Vllaznia-Spartak Myjava do të luhet me datë 5 gusht në stadiumin “Stelios Kyriakides” Panhos-Qipro duke nisur prej orës 20:30.
Fituesja e kësaj sfide do të përballet me fituesen e gjysmëfinales tjetër, Apollon Ladies(Qipro) dhe Czarni(Poloni).
