Fitorja tre pikëshe ndaj San Marinos, pesë golat e shënuar në portën kundërshtare, progresi që treguan në lojën e tyre disa futbollistë të rinjë, por edhe mbështetja e tifozëve kuqezi në shkallët e stadiumit “Elbasan Arena” e kanë entuziasmuar presidentin e Federatës Shqiptare të Futbollit, Armand Duka, gjë të cilën e shpreh edhe në postimin e bërë në rrjetet sociale.
“Ishte shumë e rëndësishme, sepse nuk toleruam në asnjë çast pavarësisht diferencave që normalisht kishim me kundërshtarin, duke shënuar shumë gola treguam forcën tonë në sulm.
Jam i lumtur për fitoren dhe sidomos për disa risi dhe futbollistë fituam nga kjo ndeshje. Do të vazhdojmë me këtë ritëm dhe shpresojmë që me “këmbë në tokë” të marrim maksimumin nga dy ndeshjet e tetorit, që padyshim janë vendimtare për ecurinë tonë. Të gjithë jemi pranë kombëtares.
Një falënderim i veçantë u takon “të pazëvendësueshmëve”, tifozëve të Kombëtares, të cilët na kanë mbështetur si gjithmonë në këto ndeshje vendimtare. Dhe padyshim do të na mbështesin në të ardhmen.”, citon kreu i FSHF-së, Armand Dukanë postin e tij bërë në rrjetet sociale.
