Trajneri i Tiranës, Gugash Magani ka folur për mediat në prag të sfidës së nesërme kundër Laçit, që do të luhet në orën 13:30 dhe do të transmetohet në RTSH Sport. Tekniku vlerëson kundërshtarin, por thekson se bardheblutë nuk kanë alternativë tjetër veç fitores.
“Çdo ndeshje ka historinë dhe rëndësinë e vet, ne jemi në një situatë të pazakontë, e rëndësishme është të jemi të qetë dhe të luajmë për të fituar ndeshjen. Ne nuk kemi asnjë alternativë tjetër përveçse se fitore. Nuk kemi rikthime, kemi dëmtime.
Laçi luan futboll të bukur dhe me karakter, Lufton shumë. Nuk ka humbur asnjë ndeshje në fushën e vet këto kohët e fundit, meriton gjithë respektin por ne duam 3 pikët”, ka thënë mes të tjerash trajneri i Tiranës në prag të transfertës kundër Laçit.
