Adili: E kam ëndërr të luaj me kombëtaren kuqezi, edhe me 1 minutë më mjafton të jem i lumtur me këtë fanelë!

Lexo

(Video) Besëlidhja-Tërbuni 2-3. Emocione pa fund në derbin verior të Kategorisë së parë(Golat e ndeshjes)

Derbi verior, Besëlidhja-Tërbuni, ishte ndeshja më e bukur e javës së gjashtë të Kampionatit Kombëtar të Kategorisë së Parë...

Shorti-Liga e Kampioneve FF: Vllaznia, Çelsi, PSG, Real Madri, skuadrat e grupit A

Një grup “ferri” është konsideruar ai që i ka afruar përzierja e goglave në shortin e hedhur mesditen e...

Menaxheri i KFF Vllaznia Oliver Matija, sot në Zvicër për hedhjen e shortit të“UEFA Women’s Champions League”-Faza e grupeve

Është thënë vazhdimisht, se suksesi i Vllaznisë në futboll për femra, vjen edhe nga mirëmenaxhimi që presidenti Lazër Matija...

Mevlan Adili, shqiptaro-maqedonasi i Vllaznisë po kalon një formë tejet të mirë sportive, gjë që e shfaqi edhe në ndeshjen e fundit të luajtur në “Elbasan Arena” kundra Partizanit aq sa tifozëria shkodrane e konsideroi si “heroin” e takimit. Gjatë prononcimit të tij në emisionin “Sport Show”-TV1 Channel ku ishte i ftuar mbrëmjen e së hënës, Adili foli për shumë gjëra, por ndër të tjera, ajo që tërhoqi vemendjen kishte të bënte edhe për kombëtaren kuqezi, për të cilën ai tha se e kishte ëndërr të vishte, qoftë edhe 1 minutë fanelën e kombëtares shqiptare.

“Ëndërra e çdo shqiptari të Maqedonisë së Veriut është që të veshë fanelën e kombëtares kuqezi, sepse ndjenja më e mirë që përjeton njeriu për të luajtur me një ekip të madh. Për futbollistët e Shqipërisë, ndoshta nuk ka shumë domethënie, mirëpo, për ne shqiptarët e Maqedonisë është një ndjenjë shumë shumë e madhe. Dhe, për këtë të gjithë të shohin me sy ndritur nëse bëhesh pjesë e kombëtares. Të gjithë shtetin e bën krenar në qoftë se një futbollist shqiptar i Maqedonisë luan për kombëtare. Padyshim që do isha njeriu më i lumtur nëse do të isha pjesë e kombëtares. I them shpesh edhe shokëve, edhe 1 minutë nëse luaj nuk dua tjetër gjë, kaq më mjafton të jem i lumtur.” Kjo deklaratë e futbollistit të Vllaznisë është me të vertetë shumë emocionuese dhe njëherazi një mesazh kuptimplotë për çdo sportist për vlerat dhe rëndësinë që ka uniforma kuqezi e kombëtares shqiptare, jo vetem në futboll, por për të gjitha sportet në përgjithësi.

“Heroi” i ndeshjes…

Ajo çfar Adili dha në fushën e lojës në përballjen e së dielës, Partizani-Vllaznia u vlerësua maksimalisht nga të gjithë, sidomos nga tifozëria shkodrane, e cila e quajti “heroi i ndeshjes”. Për Adilin, ky është një vlerësim ndaj tij, dhe për këtë i falenderon të gjithë, por ndërkohë bën me dije, se merita shkon për të gjithë. “Kjo fjala “heroi”, ndoshta është shumë e madhe për mua, pasi unë jam thjeshtë një njeri dhe një futbollist i Vllaznisë. Heronj janë të gjithë, duke filluar nga punonjësit që mirëmbajnë fushën, e cila është një nga fushat më të mira në Shqipëri, dhe për këtë duhen përgëzuar ato që punojnë aty. Duke vijuar tek drejtuesit, stafi, njerëzit që e bëjnë punën e tyre nëpër zyra, përfshirë edhe Bashkinë, të cilët po japin më të mirën e tyre për Vllazninë. Dua të cek që faktorë kryesorë këtë sukses janë futbollistët. Unë i respektoj ato që thonë për mua si më i dalluari. Tek ne nuk ekziston më i dalluari, këtu të gjithë jemi një. Ndoshta sot mund të jem më i miri, në ndeshjen tjetër një tjetër futbollist, kështu që në skuadrën tonë nuk i kemi ato mendime, dhe kjo më gëzon shumë”, shprehet Adili. Ndërkohë, duke vijuar të flasë në tërësi për ndeshjen me Partizanin, ai shton:”Në fushë, skuadrës tonë nuk i shkon për shtat shiu për vete natyrën se si ne luajmë. Kështu na ndodhi edhe me Kastriotin, ndërkohë që për ndeshjen me Partizanin në Elbasan, të gjithë flasin për pjesën e dytë, dhe nuk komentojnë pjesën e parë. Të gjithë thonë se balta e shpëtoi Vllazninë, por nuk thonë se Alban Hoxha e shpëtoi Partizanin . Rasti i parë i Partizanit ishte në minutën e 72-të, ato kanë të drejtë flasin si të donë, ndërkohë që ne e morëm atë që deshëm.”

Brdariç, trajner profesionist dhe shok

Ndër të tjera, Adili foli edhe për trajnerin Brdariç, të cilin e vlerëson shumë, jo vetëm si profesionist, por edhe si shok jashtë fushës së lojës. “Për fat nuk munda ta takoj tek Shkëndija e Tetovës, mirëpo kur mësova se në Shkodër do të jetë ai u gëzova sepse është një trajner profesionist që nuk ia lën asnjëherë rastësisë, por punon me profesionalizëm në të gjitha detajet. Dhe, për mendimin tim personal unë jam shumë falenderues ndaj tij, si dhe shumë i lumtur që punoj me një trajner si ai. Nuk është thjeshtë një trajner, por edhe një shok i joni. Kur është momenti për punë, të gjithë jemi të përqëndruar, ndërkohë jashtë punës jemi më të hapur mes njëri-tjetrit. Jo rastësisht kemi këto rezultate, ndaj shpresoj që deri në fund t’i mbajmë këto rezultate për të realizuar objektivat tanë.”

Pragndeshja me Laçin

Për javën e 18-të, Vllaznia pret në “Loro Boriçi” ekipin e Laçit, takim i programuar për t’u luajtur në orën 18.00 të së premtes. Në komentin e tij, Adili përcjellë vlerësime për kundërshtarin, si dhe për trajnerin Duro, por gjithësesi preferon ta quajë si një ndeshje të radhës. “Po, është e vertetë na pret një ndeshje shumë e fortë, kemi shumë respekt për Laçin, ka një skuadër mjaft të mirë, me një trajner shumë të mirë si Shpëtim Duro që ka një eksperiencë të madhe në kategorinë Superiore, por dhe që ka shumë futbollistë të mirë në dispozicion. Ndeshja do të jetë shumë interesante, sepse në këtë përballje do të jetë ndeshja e parë edhe e një futbollisti të Vllaznisë kundra skuadrës së tij të zemrës. Shpresoj që të përgatitemi maksimalisht, këtë ndeshje e kemi marrë me shumë seriozitet, sepse na pret një duel shumë i fortë, mirëpo për neve nuk ndryshon asgjë dhe do të jetë një ndeshje e radhës”, tha Adili.

Gaspër MARKU

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -