Akuzat mediatike për konfliktin me sponsorin Alban Xhaferi, reagon administratori i KF Vllaznia, Benjamin Naku

Lexo

(Video) Futboll-Superliga U21. Vllaznia humbet në Shkodër me Kukësin 0-1

Vllaznia U21-Kukësi U21  0-1 (Shënues:Eugen Sula 55’)Pas dy barazimeve radhazi, një në Shkodër dhe tjetri në transfertë, 21 vjeçarët...

(Video) Besëlidhja-Tërbuni 2-3. Emocione pa fund në derbin verior të Kategorisë së parë(Golat e ndeshjes)

Derbi verior, Besëlidhja-Tërbuni, ishte ndeshja më e bukur e javës së gjashtë të Kampionatit Kombëtar të Kategorisë së Parë...

Shorti-Liga e Kampioneve FF: Vllaznia, Çelsi, PSG, Real Madri, skuadrat e grupit A

Një grup “ferri” është konsideruar ai që i ka afruar përzierja e goglave në shortin e hedhur mesditen e...

Që prej dites së premte, administratori i KF Vllaznia Benjamin Naku ka qënë një personazh i shumë lakuar në media të ndryshme, përfshirë edhe rrjetet sociale, duke u akuzuar si pjesë e një konflikti me sponsorin e Vllaznisë Alban Xhaferi. Mes të tjerash, gjithnjë sipas komenteve mediatike, një gjë e tillë ka ardhur nga ajo që administratori Naku ka penguar të futet në stadium për ndeshjen e Kupës së Shqipërisë Vllaznia-Elbasani, sponsorin Alban Xhaferi, duke mos e përfshirë atë në listen e personave VIP që në raste të tilla miratohet nga KF Vllaznia për t’u futur në tribunën e stadiumit “Loro Boriçi”. Rreth kësaj ngjarje, mbrëmjen e së hënës, zoti Naku ka marrë përsipër të sqarojë opinionin publik përmes një deklarate për shtyp të shpërndarë për mediat.

DEKLARATE PER SHTYP E ADMINISTRATORIT TË “KF VLLAZNIA” SH.A.                                                                                                                              “Që nga dita e ndeshjes Vllaznia-Elbasani, e zhvilluar në Shkodër më dt. 13.11.2020, ndaj personit tim, media të ndryshme kanë përcjellë një ngjarje tërësisht të deformuar nga e vërteta. Thelbi i asaj që kanë përcjellë mediat është sikur unë, në cilësinë e administratorit të “KF Vllaznia” sh.a., paskam tentuar të ndaloj hyrjen në Stadiumin “Loro Boriçi”, të sponsorit në partneritet me KF “Vllaznia”, z. Alban Xhaferi. Gjatë këtyre ditëve kam zgjedhur të hesht, koshient se zhurma nuk i shërben klimës dhe imazhit të KF “Vllaznia”. Por, duke parë se ngjarja e pretenduar vazhdon të përdoret për të cënuar mbarëvajtjen e punës në KF “Vllaznia”, ndjehem i detyruar të sqaroj opinionin sportdashës të Shkodrës dhe më gjërë për ngjarjen e plotë dhe të vërtetë:

Me dt. 13.11.2020 në Stadiumin “Loro Boriçi”, zhvillohej ndeshja e vlefshme për Kupën e Shqipërisë, Vllaznia- Elbasani. Për shkak të pandemisë, protokollet e Ministrisë së Shëndetësisë dhe të FSHF-së, nuk lejojnë që ndeshjet të zhvillohen me spektatorë. Klubet organizatore të ndeshjeve janë të detyruara që të depozitojnë në Policinë e Shtetit emrat e jo më shumë se 10 personave për secilin ekip (drejtues, pjesë stafesh, apo lojtarë) që kanë të drejtë ta ndjekin ndeshjen nga tribuna dhe i gjithë procesi i hyrje-daljeve në stadium menaxhohet nga Policia e Shtetit. Natyrisht që emri i sponsorit, Alban Xhaferi, ishte përfshirë në listën e personave të lejuar të ndiqnin ndeshjen (faximile si më poshtë, si dhe e  botuar në gazetën “Panorama Sport”, dt. 14.11.2020). Gjatë procesit të hyrjes së personave të lejuar për të ndjekur ndjeshjen, kam parë një nga punonjësit e Policisë së Shtetit të komunikonte me Z. Xhaferi. Në këtë moment jam afruar dhe i kam kërkuar punonjësit të Policisë së Shtetit të shikonte listën, pasi në të gjendej emri i sponsorit. Më pas gjithçka është zgjidhur dhe s’ka patur asnjë incident të pretenduar ndërmjet meje dhe z. Xhaferi. E gjitha kjo mund të vërtetohet lehtësisht edhe nga kamerat e sigurisë dhe nga deklarimet e punonjësve të Policisë së Shtetit të pranishëm në këtë situatë.”, thuhet në deklaratën për shtyp të administratorit, Benjamin Naku.

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -