Carlo Ancelotti nuk bën drama pas disfatës dërrmuese të pësuar në Etihad ndaj Manchester Cityt. Një 4-0 bombastike që do të vinte në dyshim këdo, por jo “Mbretin Carlo” që nuk dëshiron t’i vijë keq për veten pas finales së humbur: “Ata luajtën më mirë se ne dhe e meritonin të arrinin në finale. Nuk kishte qark të shkurtër, ata ishin të fortë, shtypën fort dhe kaluan në epërsi në pjesën e parë”. Dhe hedh poshtë çdo thashethem për të ardhmen: “E imja është e qartë”.
Gjatë intervistës së dhënë për Prime, trajneri i Real Madrid tha se ishte i sigurt: “Kjo humbje nuk e vë në dyshim atë që është bërë. E ardhmja ime është shumë e qartë dhe kjo humbje do të na ndihmojë të jemi më të mirë vitin e ardhshëm. Drama, le të shikojmë nga e ardhmja. Vitin e kaluar fituam, këtë vit jemi jashtë dhe kjo ndodh në sport. Le të mos bëjmë drama”.
Për ndeshjen ai më pas nënvizoi: “Në pjesën e dytë u përpoqëm të ktheheshim në lojë dhe ishte e pamundur. E prisja atë fillim, pastaj duhej ta menaxhonim më mirë ndeshjen. Por ne gjetëm një rival të fortë dhe duhet të pranojmë eliminimin në një gjysmëfinale të Ligës së Kampionëve”.
