Saturday, May 18, 2024

Basketboll/ Vllaznia humb klasiken me Tiranën në transfertë 92-66

Lexo

Kampionati kombëtar i basketbollit për meshkuj ka zhvilluar mbrëmjen e djeshme dy ndeshje të vlefshme për javën e dytë. “Tomorr Sinani” Elbasani ka mundur Fierin me rezultatin 98-68.

Nga ana tjetër, në “Farie Hoti” është zhvilluar ndeshja mes Tiranës dhe Vllaznisë. Kampionët në fuqi e kanë nisur kampionatin me hap fals, duke u mundur nga Apolonia, ndërsa Vllaznia ka marrë një fitore ndaj Skënderbeut. Ndërkohë, në sfidën e djeshme, Tirana triumfoi bindshëm me shifrat 92-66 (21-18, 26-8, 25-16, 24-20).

Për kuqeblutë e Damian Bekteshi, lojtarë që prekën kuotë dyshifrore pikësh ishte amerikani Craig Lamont Saab, i cili ishte edhe më i miri i ndeshjes (22 pikë, 2 kërcime), si dhe Memçaj (10 pikë, 2 kërcime). Ndërsa të tjerët që kontribuan me pikë ishin Mbiara (8 pikë), Gjeçaj (7 pikë), Rakaj (7 pikë), Shabani (6 pikë), Bitri (2 pikë), Kuçi (2 pikë) dhe Bushgjokaj (2 pikë).

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img