Mora lapsin dhe fletore
Do kujtime po më vijnë mu
Për me shkru më vjen përdore
Një futbollist du me kujtu
Po ku je moj Shkodër Loce
Se për ty unë krejt jam tha
Do kujtime s’po i la stoçe
Për Sabah Bizin i kam da
Tan Shkodra me ty krenohet
Te Vllaznia ti ma i miri
Kontributi jot s’harrohet
Por dhe trajner Xhevdet Shaqiri
Lum nana që t’ka rritë
Lum Shkodra që të ka
Në stadium kena bertitë
Kur n’formacion të t’kena pa
Futbollist i kompletum
Me cilësi europiane
Bekenbauerit i nxore shkum
Me folë me vedi atë e bane
Gjermania erdh n’Tiranë
E ti vedin ke diftu
Bekenbauri n’fund t’pat thanë
S’mujta njiherë burrë me k’alu
Helmut Shën atje n’tribunë
Për Sabahin djalë shkodranit
Njaj numri 9 shumë bani punë
Si la gja mangut gjermanit
Vite e vite do t’kalojë
Kurrë s’harrohet numri 9
Sabah Bizin do kujtojnë
Gjith tifozat mar shkodran
N’biçikletë kam shku n’Tiranë
N’Lezhë e n”Laç m’ka mbyt fortuna
Kmishen e martes kam lanë
Me ble biletë për te tribuna
Dekoraten që fitove
Rradh si ti vjen mesfushor
Gjith qytetin e krenove
Shkodra n’futboll t’ka shenjtor
Në futboll e rrite shtatin
S’je ushqy si Brazilian
Kush tad ha aq shumë takatin
Asht Havjari i shpirtit tand
Njashtu si Kulla e Inglizit
S’pyet për shi e për fortunë
Mendoj portretin e Sabah Bizit
Me pikturu aty n’tribunë
Njikto vargje që kam shkru
Baj kritikë i shkruva vonë
Tifozave me i diftu
Numri 9 si Maradonë
Tesh n’fund deshta për me thanë
Kët futbollist du me përshndet
Ka diftu vedin shkodran
Sabah Bizi dora vetë
N’stadium pashë me sytë e mi
Ndodhin n’Shkodër ner kto ana
Ju baj be për perëndi
Sabah Biz nuk ban ma nana
Falë teje Shkodra krenohet
Sabah Bizi tungjatjeta
Emni jot kurr s’do t’harrohet
Të pershëndet Simon Ferketa!
