Sunday, February 25, 2024

Drejtoria Teknike mbledh Shoqatat Rajonale, prezantohet projekti teknik i ekipeve përfaqësuese rajonale të vajzave

Lexo

Drejtoria Teknike e FSHF-së ka zhvilluar një takim me përfaqësuesit e Shoqatave Rajonale dhe me trajneret e ekipeve përfaqësuese rajonale të vajzave, të Tiranës, Durrësit, Elbasanit, Shkodrës dhe Fierit.

Në këtë takim ishin të pranishëm Përgjegjësi i Sektorit të Futbollit të Vajzave në FSHF, Florian Riza, trajneri i Kombëtares shqiptare të vajzave, Armir Grima dhe trajneri i përfaqësueseve rajonale për moshën U-13/U-14, Erion Stavri .

Drejtori Fulvio Pea u ka prezantuar të pranishmëve projektin e ri teknik për ekipet përfaqësuese rajonale të vajzave të vitlindjeve 2009-2012, një risi e FSHF-së që do të marrë jetë së shpejti.

Në kuadër të zhvillimit të talenteve të reja edhe në futbollin e vajzave, ekipet përfaqësuese rajonale të vitlindjeve 2009-2012 do të kryejnë dy herë stërvitje në javë, ndërsa në muajin qershor do të organizohet për herë të parë turneu i ekipeve përfaqësuese rajonale për vajzat.

Drejtuesi i programit teknik do të jetë trajneri i Kombëtares shqiptare të vajzave, Armir Grima i cili do të bashkëpunojë ngushtë me trajneret femra të ekipeve përfaqësuese rajonale. Në këtë takim u diskutua gjerësisht edhe për objektivat që duhet të arrihen si edhe për mënyrën se si duhet përdorur metodologjia e stërvitjes për të përmirësuar në aspektin cilësor futbollistet e reja.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img