Në fakt përpara ndeshjes qarkulloi si lajm që sponsori i Vllaznisë Alban Xhaferi kishte vendosur një premio të majme në rast fitoreje të kuqebluve ndaj Kastriotit. Skuadra e bëri realitet objektivin e marrë duke regjistruar fitoren me rezultatin 0 me 1 me atë gol të Ardit Hoxhajt në limit të takimit, dhe për këtë meritonte shpërblimin e premtuar.
Dhe premtimi është bërë realitet. 10 mijë dollar është shuma që skuadra kuqeblu është shpërblyer për këtë fitore ndaj Kastriotit. Një gjë të tillë e konfirmoi pak minuta më parë zyrtari KF Vllaznia, Blendi Dibra gjatë një lidhje direkte me emisionin Rubrika Sportive në RTSH.
Ndër të tjera, gjatë lidhjes në fjalë, Dibra foli edhe për ndeshjen, Kastrioti-Vllaznia duke përcjellur vlerësime për futbollistët kuqblu, të cilët me dy fitoret radhazi të kësaj jave, atë ndaj Korabit 1-0 duke u kualifikuar në gjysëmfinalen e Kupës së Shqipërisë, si dhe këtë të sotmen ndaj Kastriotit për kampionat, fitore këto që rikthyen besimin për grupin kuqeblu.
Dibra, u ndal edhe tek çështja e vendimit për shkarkimin e Brdariç dhe qëndrimin e tij sërishmi në krye të kuqebluve, si dhe atë të gjobave për mosarritjen e rezultateve poztive të periudhës së fundit.
