Prononcimi i trajnerit Ilir Daja, pas ndeshjes Partizani-Dinamo, 1-3
“Kemi bërë një lojë nga fillimi deri në fund. Kemi pasur zotërimin e topit, situata para portës, kemi bërë tranzicione, kemi ndryshuar manovrën në raport me kundërshtarin. Është ndeshja e dytë me përmbysje. T’i shënosh 3 gola Partizanit në fushën e vet, jemi të gjithë të kënaqur. Vazhdojmë fitoret me gola dhe shumë raste.
Lojën e komanduam. Paramenduam që Partizani mund të na vinte me presing lart. Futja e Qefalisë dhe Karambës bëri që t’ia vështirësonim Partizanit. E gjithë merita është e djemve, kishim vetëm dy ditë kohë. Në praktikë këmbët kanë qenë të rënduara. Entuziazmi, sakrifica dhe bashkëpunimi i lojtarëve bënë ekipin të dukej i freskët.
Kemi bërë gjithçka mirë. Goli i Bregut ndikoi për të na kthyer entuziazmin që kishim në pjesën e parë. Kishte bonus që rikthehu shumë shpejt entuziazmin.
Edhe ne luajtëm me presing të lartë. Ishte një sërë gabimesh. Maliqi shkoi në presion me një kohë vonesë dhe e la Atanaskovskin të futej drejt qendrës. Qejfalia dhe Maliqi duhet ta mbyllnin krosimin në shtyllën e dytë.
Në ndeshjen e fundit ndaj Egnatias, Partizani kishte luajtur me atë vendosje që ndryshoi në 20 minuta. Rasti i Bregut, Vilës, Guindos, patëm shumë raste. Situatat para porte i kishim më të shumta se Partizani. Ekipi kishte goxha personalitet në administrim. Ishte administrim i kontrolluar
Bregu e beri mirë ndryshimin e zonave. Mund të mos e kishim marrë atë gol. Partizani sigurisht ka potencialin e vet. Në momente të caktuara, disa herë mund të na godiste. Mbrojtja jonë iu kundërpërgjig kundërshtarit.
