Shqipëria U-21 do të ndeshet me Finlandën U-21 për sfidën kualifikuese e vlefshme për “Euro 2025”. Ndeshja do të nisë nga ora 17:00, në stadiumin “Air Albania”.
Trajneri Alban Bushi ka vendosur dhe formacionin dhe bie në sy se ia ka besuar mbrojtjen lojtarëve të Superiores. Nga shkodranët pjesë e U-21, në formacion parashikohej Smajli djathtas dhe Preka në qendër të mbrojtjes, por Bushi ka zgjedhur shkodranin tjetër Gjini në vendin e Prekës, titullarin e Partizanit i cili mund të aktivizohet gjatë ndeshjes.
Kështu nga minuta e parë do ta nisin nga e majta në të djathtë, Smajli, Dajko, Gjini dhe Buxhelaj. Titullarët e tjerë janë Simoni, Medon Berisha, Adrion Pajaziti, Feta Fetai, Arda Kurtulan, Stiven Shpendi dhe Adrian Bajrami.
