Futboll Femra-Nis jeten edhe një kampionat tjetër kombëtar, ai i vajzave U-15

Lexo

Brazilianët e Erzenit bashkë me Krasniqin: “Erzeni është ekip i fortë, nuk ishte e vështirë të kisha Balajn kundërshtar”

Skuadra shijakase fitoi 3-2 në “Niko Dovana” në përballjen e tretë në kampionat, duke marrë plot 7 pikë nga...

(Intervista) Trajnerët Colella dhe Tetova flasin pas ndeshjes Partizani 1-1 Egnatia

Partizani u ndal në një barazim 1-1 nga Egnatia, duke mos përfituar nga ai hap fals i Tiranës kundër...

I lumtur pas fitores, Kapllani: “Të ulim kokën dhe të festojmë sonte, të shohim për ndeshjet e radhës.”

Erzeni ia doli të marrë një fitore me shumë vlera kundër Vllaznisë me rezultatin 3-2. Kapllani u shpreh mjaft i...

Futbolli i femrave vazhdon të jetë në prioritetin kryesor të Federatës Shqiptare të Futbollit. Krahas zgjerimit të hartës së skuadrave të rritura duke vënë si kusht për të gjitha skuadrat e kategorisë Superiore për të pasur secila prej tyre edhe ekipin e femrave, gjë që po zbatohet në sezonin  aktual, tashmë  ka vënë në jetë edhe Kampionatin Kombëtar të vajzave U-15.

Nga sa bën të ditur zyra e shtypit pranë FSHF-së, në këtë kampionat do të marrin pjesë 8 ekipe, të cilat do të jenë të ndara në dy grupe, A dhe B. Në Grupin A do të jenë katër skuadra, Murlani, Vllaznia, Kinostudio dhe Teuta, ndërsa në grupin B do të marrin pjesë katër ekipe të tjera, Apolonia, Lushnja, Elbasani dhe Pogradeci. Ndeshjet do të luhen me sistemin vajtje-ardhje, sipas shortit të përcaktuar. Dy vendet e para të grupeve do të luajnë gjysmëfinale, me sistemin vajtje-ardhje dhe më pas dy nga ekipet do të kalojnë në finalen e kompeticionit. Çdo skuadër ka në përbërje të saj 9 lojtarë. Ndeshjet do të jenë të ndara në dy pjesë, me 35 minuta çdo pjesë.

Pas dy ndeshjeve të para në grupin A, renditja pas javës së parë është:

  1. Vllaznia 3 pikë
    2. Teuta 3 pikë
    3. Murlani 0 pikë
    4. Kinostudio 0 pikë

Ndeshjet e tjera të grupit A do të luhen më 20 shkurt, ku Murlani do të gjejë Kinostudion në shtëpi ndërsa Teuta do të presë Vllazninë në Durrës. Ndërkohë, grupi B do të nisë garën më datë 13 shkurt, ku Apolonia do të presë Elbasanin në Fier, ndërsa Pogradeci do të përballet me Lushnjën në po të njëjtën ditë.

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -