Saturday, May 18, 2024

Futboll Femra-Të martën, Shqipëri-Estoni. EURO “Zvicër 2025”/ Futbollistet kuqezi kërkojnë fitoren, hyrja në stadiumin “Air Albania” falas për tifozët

Lexo

Shqipëria e vajzave është gati për ndeshjen e dytë kualifikuese ndaj Estonisë, e vlefshme për Kampionatin Europian “Zvicër 2025”.

Skuadra e drejtuar nga trajneri Armir Grima kreu seancën e fundit stërvitore në stadiumin “Air Albania” duke i dhënë fund përgatitjeve për takimin ndaj Estonisë.

Departamenti i Komunikimit në FSHF bën me dije se grupi është në gjendje të mirë dhe të gjitha futbollistet do të jenë në dispozcion të trajnerit për takimin ndaj Estonisë. Skuadra në seancën e fundit stërvitore ka punuar më shumë me topin, pa ngarkesa fizike.

Ndeshja e dytë kualifikuese e vlefshme për Kampionatin Europian “Zvicër 2025”, Shqipëri – Estoni do të luhet nesër në stadiumin “Air Albania” në ora 20:00. Një ndeshje shumë e rëndësishme për vajzat kuqezi që do të tentojnë të marrin fitoren e parë në këtë edicion të ri kualifikues, ndërsa hyrja për të gjithë tifozët në stadiumin “Air Albania” do të jetë falas.

 

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img