Thursday, June 13, 2024

Futbolli i Sallës-Kualifikueset e Kampionatit Europian “Holandë 2022” /Shqipëria humbet në tavolinë ndaj Ukrainës

Lexo

Shqipëria e futbollit të sallës e ka humbur në “tavolinë” ndeshjen e fundit kualifikuese të Kampionatit Europian “Holandë 2022”. Ky ka qenë vendimi i Komisionit të Kontrollit, Etikës dhe Disiplinës së UEFA-s (Federata Europiane e Futbollit) marrë më 16 prill, ndërsa Shqipëria, për arsye të bllokimit të fluturimeve më 8 prill, nuk pati mundësi të udhëtonte drejt tokës ukrainase.

Këtë arsye ka marrë dhe UEFA-s, ndërsa ka bërë të ditur se ndeshja Ukrainë – Shqipëri, planifikuar në Zaporozhje më 11 prill, nuk mund të luhej. E sipas UEFA-s, çështja iu dërguar Komisionit të Kontrollit, Etikës dhe Disiplinës, ndërsa Shqipëria e futbollit të sallës akuzohet për refuzim për të luajtur, neni 28.01 e Rregullores së Kampionatit Europian të Futbollit të Sallës 2022, mbi bazën e të cilit është marrë vendimi për humbje në “tavolinë”, 0-5.

E gjithnjë sipas këtij vendimi, përgjegjësia është e kombëtares kuqezi, e cila u bë pengesë për zhvillimin e ndeshjes. Në fakt, që të mërkurën në mbrëmje, kur të gjitha fluturimet ishin bllokuar në Rinas, UEFA e kishte anulluar ndeshjen, ndërsa të enjten në mëngjes u bë zyrtar dhe vendimi i Federatës Shqiptare të Futbollit, i cili më pas iu përcoll organizmit më të lartë të topkëmbës europiane.

Dhe më 16 prill, Shqipëria merr vendimin e humbjes në “tavolinë”, ndërsa kështu kualifikueset e raundit të Kampionatit Europian “Holandë 2022” janë mbyllur me një fitore dhe pesë humbje e një golaverazh 8-27. Është hera e parë që kombëtarja kuqezi humbet një ndeshje në “tavolinë”, por këtë herë jo për faj të saj. Pavarësisht kësaj, ndërkombëtarët janë treguar të ashpër në qëndrim.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img