Emocionet e kampionatit të futsallës rikthehen këtë të diel me fazën vendimtare “Final 4”, ku katër skuadrat do të zbresin në fushë për të siguruar një vend në finalen e madhe për titullin kampion.
Ndeshjet gjysmëfinale do të zhvillohen më 31 maj 2026 në Pallatin e Sportit “Feti Borova”, me duele që pritet të dhurojnë spektakël, rivalitet dhe emocione deri në fund.
Programi i gjysmëfinaleve:
Flamurtari Futsal – Vllaznia Futsal, ora 17:00
Tirana Futsal – Forcat e Armatosura Futsal, ora 19:00
Katër skuadrat siguruan pjesëmarrjen në fazën “Final 4” pas kampionatit të rregullt, ndërsa tashmë synojnë hapin e fundit drejt finales së madhe, e cila do të luhet më 7 qershor 2026, po në Pallatin e Sportit “Feti Borova”.
Skuadra që do të shpallet kampione e Shqipërisë në futsall do të sigurojë gjithashtu të drejtën për të përfaqësuar vendin në UEFA Futsal Champions League.
