Gazetari dhe komentatori i njohur sportiv, Admir Uruçi, është fitues i çmimit, “Hamit Boriçi” për gazetarët e Qarkut Shkodër, edicioni i gjashtë. Çmimi në fjalë është dorëzuar ditën e djeshme, gjatë një ceremonie që Unioni i Gazetarëve Shqiptarë, qarku Shkodër organizoi në sallën e bibliotekes së Universitetit “Luigj Gurakuqi” të Shkodrës.
Ceremonia në fjalë u monitorua nga kryetari Unionit të Gazetarëve Shqiptarë, Qarku Shkodër, Gaspër Marku, ndërkohë që ishin të pranishëm, vetë profesori dhe studiuesi Hamit Boriçi, emrin e të cilit mban çmimi në fjalë, kryetari i Unionit të Gazetarëve Shqiptarë, Aleksandër Çipa, kryetari i Lidhjes së Shkrimtarëve dhe Artistëve dega Shkodër, Zija Vukaj, gazetarë, publicistë dhe intelektualë nga Shkodra dhe rajoni verior, etj.
“Gazetar dhe komentator sportiv, me një karrierë rreth 20 vjeçare. Pasues i traditës sëmirëfilltë të ish gazetarit të mirënjohur shkodran, Rifat Uruçi, duke spikatur në pasqyrimin e vlerave sportive të qytetit të Shkodrës, si dhe ato të Tiranës. Karrieren më të pasur e ka në shtypin e shkruar, si korespondent i Shkodrës për gazetën sportive, “Panorama Sport”, shkruhet në motivacionin që shoqëron çmimin në fjalë.
Në listën e fituesve të çmimit “Hamit Boriçi” për gazetarët e Qarkut Shkodër, janë edhe pesë gazetarë dhe publicistë të tjerë: Nereida Vitoja nga Televizioni Star Plus, Marjo Gjini RTSH Shkodra, Maison Kavaja Tv Rozafa,Top Channel, Prel Milani, Kryeredaktori gazetës “Dukagjini”, dhe Dashamir Dini- Radio Shkodra dhe RTSH.
