Humbet thellësisht 4 me 1 ndeshjen me Partizanin, dorëhiqet trajneri i Kukësit, Skender Gega

December 27, 2020

Kukësi u mund mbrëmjen e sotme nga Partizani me rezultaitn 4 me 1, ndeshje kjo për llogari të javës s ë11-të. Humbje kjo që bë shkak për dorëheqjen e trajnerit Skender Gega nga drejtimi i kuksianëve. Lajmi në fjalë vjen përmes njoftimit zyrtar për shtyp nga ana e zyrës së shtypit të FK Kukësi.

Njoftim i klubit!
Futboll Klub Kukësi njofton se për shkak të rezultateve të fundit, trajneri Skënder Gega ka vendosur të japë dorëheqjen. Pas ndeshjes, trajneri i ka komunikuar klubit vendimin për dorëheqje dhe ky vendim është pranuar dhe është vënë në dijeni presidenti i nderit Safet Gjici. Pas ndeshjes, trajneri ka takuar skuadrën dhe stafin teknik për t’u përshëndetur.
Klubi e falënderon Gegën për kontributin e dhënë dhe i uron shumë suksese në të ardhmen. Trajneri Gega ka shpjeguar arsyet e largimit nëpërmjet këtij mesazhi:

“Prej disa muajsh kam qenë në krye të pankinës së Kukësit.
Edhe pse kam pasur mbështetjen, besimin dhe respektin nga të gjithë në situatën që ekipi po kalon në ndeshjet e fundit, marr përgjegjësitë dhe vendimin që të mos vazhdoj më në pozicionin e trajnerit.
I kërkova klubit dhe presidentit Gjici të më mirëkuptojë për vendimin tim aspak të lehtë.
JU LUTEM NUK KA VEND PËR ALUDIME !
Jam ndjerë tepër i vlerësuar dhe i respektuar nga presidenti Gjici, nga i gjithë klubi, stafi, futbollistët dhe mbështetësit e Kukësit.
Për mua ishte kënaqësi dhe eksperiencë shumë e mirë pavarësisht me vështirësite e fillimit.
Jam i sigurt që Kukësi do të shkojë atje ku e meriton sepse është një grup shumë i mirë lojtarësh dhe ka mbështetje të madhe nga të gjithë tifozët e mrekullueshëm.
Ju falënderoj të gjithëve për respektin dhe mbështetjen tuaj.
Ju uroj të gjithëve shëndet dhe suksese.
Me respekt
S. Gega

PËRGJIGJU Anulo përgjigjjen