Dorëheqja e ish trajnerit Emiljano Çela nga drejtimi i Kastriotit të Krujës pas humbjes së thellë 4-0 me Tiranën javën e kaluar, fillmisht u mendua se do të zëvendësohej nga Shkëlzen Rustami. Por, pasditja e së mërkurës ka sjellë lajme të reja duke evidentuar Ardian Memën si trajnerin e ri të Kastriotit. Lajmin në fjalë e bën të ditur vetë klubi krutan duke konfirmuar zyrtarisht se në sfidën e së premtës, Kastrioti-Vllaznia, në stolin krutan do të jetë, Ardi Mema.
Njoftimi i klubit:
Ardian Mema është trajneri i ri i Kastriotit. Tekniku 51-vjeçar, pas arritjes së djeshme të marrëveshjes me presidentin Alban Vogli, nga sot ka nisur punën me seancën stërvitore të mesditës, i shoqëruar nga zëvendës trajneri, Shkëlzen Rustami. Në të shkuarën Mema ka drejtuar ekipin e Tiranës. KS Kastrioti i uron mirëseardhjen trajnerit të ri dhe i uron suksese në arritjen e objektivave sezonale.
