Sunday, May 19, 2024

(Konferenca) Shehi titullar ndaj Kastriotit, premton fitore për Vllazninë

Lexo

Gjatë javëve të mëparshme mbrojtësi i qendrës Dajan Shehu ka qënë zëvendësues dhe sa herë i është kërkuar të jetë në fushën e lojës ka dhënë më të mirën e tij, madje edhe duke shënuar siç ishte goli i fitores realizuar ndaj Apolonisë në “Loro Boriçi”. Ndërkohë, të dielën në transfertën me Kastriotin që do të luhet në stadiumin e Kamzës, me të gjitha gjasat ai do të luajnë nga minuta e parë si titullar. Është kjo arsyeja që në konferencën e shtypit organizuar sot në mjediset e stadiumit “Loro Boriçi”, Shehi u paraqitë në krah të trajnerit Brdariç.

“Jam i kënaqur sepse trajneri po më mbështet. Besoj se edhe unë i kam treguar trajnerit se kam shumë cilësi dhe gjithmonë kam pritur mundësinë time. E falenderoj trajnerin që po ma jep atë dhe shpresoj që t’ia shpërblej sa më mirë. Trajneri e vendos se kush luan, besoj se edhe nesër do të jem në fushë dhe do të jap më të mirën për ekipin. Kam luajtur më përpara me Kastriotin, është një kundërshtar shumë i fortë. Dihet se ka bërë mirë në këtë kampionat dhe besoj se nesër do të jetë një ndeshje shumë e luftuar dhe jam shumë i bindur se nesër do të dalim me tre pikë nga fusha e lojës. Çdo ndeshje ka rëndësinë e vet dhe në secilën duhet të luftojmë të marrim një rezultat pozitiv dhe këtë gjë do të tentojmë që nesër ndaj Kastriotit ku do të synojmë fitoren. Nuk ka ndeshje të lehta, por jam i sigurtë se në këtë sfidë, skuadra do të japë më të mirën në fushë dhe do të marrë rezultatin e duhur. Vllaznia ka një skuadër shumë të mirë, të kompletuar dhe ka një stol shumë të mirë dhe gjithmonë lojtarët që janë futur nga stoli në fushë kur ka patur mungesa, kanë dhënë më të mirën e tyre për ekipin dhe kështu besoj se do të ndodhë edhe nesër.”, tha mbrojtësi kuqeblu, Dajan Shehi.

Ndërkohë, i pyetur për ndonjë preferencë për shortin e Kupës, Shehi Tha:”Të tre kundërshtarët janë të fortë, nuk kam ndonë preferencë por e rëndësishme është që këtë vit të shkojmë në finale dhe të sjellim një kupë në Shkodër.”

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img