Egnatia është zyrtarisht finalistja e parë e Kupës së Shqipërisë për edicionin 2025/2026. Rrogozhinasit siguruan biletën për në finale pas fitores 4-2 në goditjet e penalltive ndaj Elbasanit.
Në sfidën e zhvilluar mbrëmjen e sotme në “Elbasan Arena”, koha e rregullt u mbyll në barazim 1-1. Egnatia kaloi në avantazh me golin e Grudës në minutën e 11-të, ndërsa Elbasani barazoi me Mustën.
Një gjysmëfinale e luftuar dhe me ritëm të lartë nga të dyja skuadrat, që dhuruan emocione dhe rivalitet të fortë për më shumë se 120 minuta.
Ndërkohë, nesër do të zhvillohet gjysmëfinalja tjetër e Kupës së Shqipërisë mes Vllaznisë dhe Dinamo City, në stadiumin “Loro Boriçi”, duke nisur nga ora 19:00.
