Tekniku Shpëtim Duro arrin fitoren e parë që pas rikthimit në stolin e skuadrës kurbinase. Këtë tre pikësh, Duro e merr në ndeshjen e luajtur pasditen e sotme në stadiumin e Laçit, Laçi-Dinamo, sfidë kjo e mbyllur në favor të Laçit me rezultatin 2-1. Golat kanë për autor, Guindo 1′ dhe Zarubica 86′ me penallti dhe Fejzulla 60′ për miqtë.
Një fitore që për vendasit vlen në përforcim të vendit të dytë në tabelën e klasifikimit, pozicion që e mbajnë prej shumë javësh duke lënë pas Kukësin, Vllazninë dhe Partizanin që luftojnë për ta kapur atë, apo edhe për një vend të tretë që vlen për Kupat e Europës.
Ndërkohë, për Dinamon, kjo përballje ishte ndër shpresat e pakta për të marrë pikë në luftë për mbijetesen e qëndrimit në Superiore. Dhe, humbja e sotme, patjetër që e rëndon akoma më shumë sfidën në kampin blu, për të mos thënë se mbijetesa në kategotinë Supëriore është tejet e vështirë.
