Mungonte vetëm zyrtarizmi, që ka ardhur mëngjesin e sotëm: Jurguens Montenegro është lojtari më i ri i Egnatias.
Sulmuesi 23-vjeçar, që është pjesë e skuadrës kombëtare të Kosta Rikës, ka firmosur një kontratë afatgjatë me klubin nga Rrogozhina. Montenegro është aktivizuar së fundmi me LD Alajuelense në kampionatin vendas dhe ka shënuar 5 gola në 21 ndeshje të luajtura.
“Klub Futboll Egnatia njofton se ka arritur të nënshkruaj kontratë afatgjate me sulmuesin nga Kosta Rika, Jurguens Montenegro. Sulmuesi është prezantuar para mediave nga presidenti Agim Demrozi”, shkruhet në njoftimin e klubit rrogozhinas.
