Humbja e sotme në Laç i ka kushtuar pankinën trajnerit Mirel Josa. Nisur edhe nga disa rezultate jo pozitive të javëve të fundit, që e zbriten Vllazninë në zbresë në renditje duke rrezikuar seriozisht, jo vetem objektivin e titullit kampion, por edhe të zonës Europiane, ka bërë që drejtuesit e klubit kuqeblu të vendosin ndërprerjen e bashkëpunimit me teknikun kryeqytetas. Nga sa bëhet e ditur, drejtimi i skuadrës i është besuar drejtorit sportiv, Auron Miloti dhe zv.trajnerit, Vioresin Sinani, ndërkohë që në vazhdimësi mund të ketë ndoshta emër tjetër për trajnerin e ri të Vllaznisë.
“Klubi i Futbollit Vllaznia njofton se ka ndërprerë me mirëkuptim bashkëpunimin me trajnerin Mirel Josa. Falenderojmë trajnerin Josa për kontributin e dhënë në drejtimin e ekipit duke i uruar suksese në angazhimet e ardhshme!
Ekipi do vijojë punën nën drejtimin e trajnereve Auron Miloti dhe Vioresin Sinani”, thuhet në komunikatën zyrtare që klubi kuqeblu ka shpërndarë pak minuta më parë.
