Momenti i artë i Newcastle vazhdon, fitojnë dhe Fulham, Wolverhampton e Brighton
CRYSTAL PALACE-FULHAM 0-3 – Fitore e çmuar pas dy humbjeve nga Fulham që po i afrohet zonës europiane dhe shkëputet pikërisht nga Crystal Palace në renditje. Mysafirët shfrytëzojnë në maksimum epërsinë numerike të dyfishtë: pas avantazhit të Reid në minutën e 31-të. E kuqe direkte e Mitchell vjen në minutën e 34-të. Në fillim të pjesës së dytë, karton i verdhë i dyfishtë për Tomkins. Më pas vijnë golat e Ream dhe Mitrovic në mes të minutave 71’ dhe 82’.
EVERTON-WOLVERHAMPTON 1-2 – Sukses mbresëlënës në sekondat e fundit për Wolverhampton që lë vendin e fundit në renditje, Everton mbetet në krizë me humbjen e tretë radhazi që mund t’i kushtojë Lampardit pankinën. Pyetje-përgjigje në pjesën e parë, Mina për Everton shënoi në minutën e 7-të, Podence u kundërpërgjigj në minutën e 22-të, goli i fitores mban firmën e Ait-Nourit në shtesë. Aventura e Lopeteguit në stolin e Ëolves nis në mënyrën më të mirë të mundshme.
LEICESTER-NEWCASTLE 0-3 – Momenti i artë i Newcastle vazhdon me fitoren e shtatë radhazi dhe vendin e dytë momental në renditje. Leicester bie pas dy fitoreve dhe duhet të vazhdojë të shikojë nga pas. Ndeshja u mbyll pas vetëm 32 minutash: në minutën e 3-të Wood kaloi në avantazh me penallti, kaluan katër minuta dhe Almiron dyfishoi, tripleta u kompletua nga Joeliton pak pas gjysmë ore.
SOUTHAMPTON-BRIGHTON 1-3 – Brighton reagon pas eliminimit nga EFL Cup dhe i afrohet zonës europiane falë fitores ndaj një Southampton në krizë, e fundit është humbja e katërt radhazi. Skuadra e Roberto De Zerbit hapi ndeshjen në minutën e 14-të me Lallana, më pas dyfishoi epërsinë në minutën e 34-të falë autogolit të Perraud. Në fillimin e pjesës së dytë, në momentin më të mirë për vendësit, supergoli i Marsit goditi shpresat e Southampton-it. Ward-Prowse tenton në minutën e 71-të të karikojë të tijtë, por goli që shkurtoi distancën shërbeu vetëm për statistikë.
