Thursday, March 28, 2024

(Video)Rocco Vata, djali i ish kapitenit kuqezi, Rudi Vata, shkëlqen në kombëtaren irlandeze. Gol spektakël ndaj Maqedonisë së Veriut duke e kualifikuar skuadrën e tij në Elite Round të Kampionatit Evropian

Lexo

…Historia vazhdon…Rocco Vata, djali i shkodranit  Rudi Vata, ish kapitenit të kombëtares shqiptare, po shkëlqen në futbollin irlandez. Rocco 17 vjeçar, është pjesë e Akademisë Celtik, klubit ku ka luajtur me shumë sukses edhe i ati, madje duke fituar Kupën e Skocisë pak vite më parë.

Rocco, aktualisht jeton prej vitesh me familjen e tij në Skoci, por duke qënë se nëna e tij, bashkëshortja e Rudi Vatës, është irlandeze, kombëtarja e Irlandës ka nxituar ta përfshijë atë në listën e kombëtares së tyre.

Më herët, Rocco ka zhvilluar edhe ndeshje të tjera mjaft cilësore me uniformën e kombëtares irlandeze, ndërkohë që ndeshja e radhës, ajo që kombëtarja U-17 e Irlandës zhvilloi sot ndaj Maqedonisë së Veriut, ishte ndër më të mirat që Vata i vogël përformon me këtë kombëtare.

Irlanda U-17 mundi 2 me 0 Maqedoninë e Veriut, dhe Rocco Vata, mahniti të pranishmit me golin që shënoi për irlandezët duke i kualifikuar në Elitë Round të Kampionatit Europian.

Spektalit që dhuroi Rocco Vata në këtë ndeshje i ka kushtuar  një vemendje të madhe media irlandeze dhe më gjërë. Njëra prej tyre, është edhe gazeta e njohur “The Scottish Sun”, komentin e së cilës e ka shoqëruar me disa foto gjatë ndeshjes.

“Çfarë gjuatje! Shikoni djaloshin e Celtic, Rocco Vata duke shënuar në një mënyrë mahnitëse për Irlandën U-17 në fitoren ndaj Maqedonisë së Veriut.

Djaloshi i CELTIC, Rocco Vata shënoi një gol mahnitës pasi Irlanda U-17 siguroi kualifikimin për në Elite Round të Kampionatit Evropian.

Të rinjtë luajtëm kundër Maqedonisë së Veriut dhe nuk bënë asnjë gabim pasi përfunduan fitues 2-0 në përballje. I riu Vata goditi cepin e portës në mënyrë të shkëlqyeshme.

Ylli i Celtic B e mundi lojtarin e tij para se të vraponte drejt portës dhe të godiste një top të pakapshëm në cepin e sipërm të rrjetës.

Vata dhe Celtic B aktualisht janë të nëntët në Ligën e Loëland në Skoci, ​​por kanë luajtur më pak ndeshje se të gjithë rivalët e tyre të ligës. Në ndeshjet e ardhshme do të përballen me Cumbernauld Colts në fund të muajit.”, shkruan ndër të tjera, gazeta “The Scottish Sun”.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img