BYLIS 2-3 EGNATIA (47′ Lajthia, 87′ Trumçi / 56′ Xhekson, 63′ Duamena, 83′ Atanda)
Egnatia ka fituar në transfertë me shifrat 2-3 ndaj Bylisit në ndeshjen e vlefshme për javën e 23-të të Kategorisë Superiore. Pjesa e parë nuk kishte shumë raste dhe u mbyll pa gola.
45-minutat e dyta ishin një spektakël golash në “Adush Muça” ku u shënuan plot 5 gola. Fillimisht ishte Lajthia që shënoi në të 47′ për Bylisin. Por Damcevski u ndëshkua me kartonin e dytë të verdhë në të 54′ dhe i dha një penallti Egnatias, nga ku Xhekson vendosi barazpeshën.
Rrogozhinasit shënuan përsëri në 63’ me Duamenën. Në minutën e 83’ Atanda shënoi golin e tretë për ekipin duke bërë që të shpërthente festa. Kur u mendua se llogaritë e kësaj sfide u mbyllën do të shënohej edhe goli i 5-të. Këtë herë ballshiotët shënuan golin e dytë me Trumçin në minutën e 87-të.
Me këtë fitore Egnatia ruan vendin e 4 por shkon në kuotën e 34 pikëve, ndërsa Bylisi zbret në renditje, përkatësisht në vendin e 9- të me 26 pikë.