Milano jeton me futbollin dhe prej ditësh në galerinë “Vittorio Emanuele II” bashkia ka instaluar logon dhe sistem ndriçimi me ngjyrat zikaltër. Por sot në ditën e ndeshjes duket se për pak orë “festa” është transferuar në Stamboll.
Sipas mediave italiane pritet që të jenë prezent në Stamboll plot 25 mijë tifozë zikaltër. Inter-i ka organizuar plot 20 fluturime charter dhe plot 15 prej tyre i janë dedikuar eskluzivisht tifozëve. Avioni I parë është nisur në orët e para të mëngjesit ndërsa i fundit me destinacion Stambollin është nisur rreth rreth orës 13:00. Vendi ku do të grumbullohen tifozët e Interit është sheshi “Taksim”.
Ndërsa në Milano tifozët do të grumbullohen në “San Siro” ku rreth 45 mijë spektatorë do të ndjekin ndeshjen në një ekran gati 400 metra katrorë.